തിരൂർ പുഴയെ പുനരുജ്ജീവിപ്പിക്കുന്നതിനു വേണ്ട കാര്യങ്ങൾ കഴിഞ്ഞ മൂന്നാഴ്ച യായി അന്വേഷിച്ചു ചർച്ച ചെയ്തല്ലോ. ഇനി വേണ്ടത് ഇങ്ങനെ ആയാലോ?

1.കൂട്ടായി ഷട്ടർ. ഉപദ്രവം അനുഭവിക്കുന്ന നാട്ടുകാർ അതു പൊളിച്ചു മാറ്റാൻ വേണ്ടിയുള്ള ശ്രമം തുടങ്ങുന്നു. അതോടൊപ്പം തോടുകളിൽ ഓരുകയറാതിരിക്കാൻ വേണ്ടിടത്ത് ചീർപ്പുകൾ (VCB) ഒരുക്കാൻ ഏർപ്പാടാക്കണം.
2. തിരൂർ പുഴയുടെ ഇടതുകൈവഴി മുരുക്കുമാടു ദ്വീപിൽ ബണ്ടിട്ട്അടച്ചിട്ടതിനു പകരം പാലം വീണ്ടും ഉണ്ടാക്കാൻ ആവശ്യം ഉന്നയിക്കുന്നു.
3. പുഴയുടെ വെള്ളപ്പൊക്കമുണ്ടാകുന്ന സ്ഥലത്ത് നിർമ്മാണം തുടരുന്ന ആശുപത്രിയിൽ നിന്നുള്ള മാലിന്യങ്ങൾ സംസ്കരിച്ച് പുനരുപയോഗം എങ്കിലും ഉറപ്പ് വരുത്തുന്നു.
4. തിരൂർ മാർക്കറ്റിലെ മാലിന്യങ്ങൾ ശുദ്ധീകരിച്ച് പുനരുപയോഗിക്കാനുള്ള സംവിധാനം പ്രവർത്തിപ്പിക്കാൻ വേണ്ട ഏർപാട് ത്വരിതപ്പെടുത്തുന്നു
5.മാലിന്യം ഒഴുക്ക് ഒഴിവാക്കാൻ കാനാത്തുകടവു പുഴക്കൂട്ടത്തിൻറെ ശ്രമങ്ങൾക്ക് ഫലം ഉറപ്പാക്കുന്നു.
6. കുണ്ടനാട്ടുകടവു പുഴക്കൂട്ടത്തിലുണ്ടാക്കിയ തുടക്കങ്ങൾ മറ്റു 40 പുഴക്കൂട്ടങ്ങളിലേക്കും വ്യാപിപ്പിക്കുന്നു.
7. മാലിന്യങ്ങൾ നിറഞ്ഞ തോടുകൾ വൃത്തിയാക്കാൻ മുനിസിപ്പാലിറ്റി _പഞ്ചായത്ത് അധികൃതരുമായി ചേർന്ന് പരിപാടികൾ ആവിഷ്കരിക്കുന്നു 8. നമ്മുടെ അലവിക്കുട്ടിയുടെ ശ്രമഫലമായി കിട്ടിയ ഹരിത ട്രിബ്യൂണൽ വിധി നടപ്പാക്കി പുഴയിലേക്കുള്ള എല്ലാ മാലിന്യസ്രോതസ്സുകളും ഒഴിവാക്കാൻ സഹായിക്കുന്നു.
9. പ്ലാസ്റ്റിക് മാലിന്യങ്ങൾ ഒഴിവാക്കാൻ ഉള്ള പുതിയ മാർഗങ്ങൾ അധികൃതരുമായി ചേർന്ന് ആവിഷ്കരിക്കുന്നു 10. നീന്തൽ പരിശീലനം, മഴവെള്ള സംഭരണം, പ്രകൃതിക്കനുസൃതമായ ജീവിതശൈലി, മുതലായ പ്രവർത്തനങ്ങൾ തുടരുന്നു.
11. എല്ലാവരേയും ഉൾക്കൊണ്ടുള്ള “സഹജീവൻ സ്വരാജ്”പ്രവർത്തന ശൈലി വ്യാപിപ്പിക്കുന്നു.
12. പുഴയുടെ ഉദ്ഭവസ്ഥാനമായ ആതവനാട്ടിൽ അയ്യപ്പനോവു പുഴക്കൂട്ടത്തിൽ കുളങ്ങൾ, മരങ്ങൾ മുതലായവ വഴി ജലസംഭരണം കൂട്ടുക, പ്രദൂഷണം ഒഴിവാക്കുക എന്നീ കാര്യങ്ങൾക്ക് സഹായം എത്തിക്കുന്നു
13. കണ്ടൽ കാടുകൾ വയ്ക്കുക വേണ്ടിടത്ത്, നിലനിർത്തുക മുതലായ കാര്യങ്ങളിൽ പങ്കാളിത്തം കൂട്ടാൻ ശ്രമിക്കുന്നു.
14. സ്കൂൾ – കോളേജ് വിദ്യാർഥികളെ എല്ലാ കാര്യങ്ങളിലും കൂടുതൽ പങ്കാളികളാക്കുന്നു.
15.ഭാരതപ്പുഴയുടെ വെള്ളപ്പൊക്കം
(2019.08.15-18) തിരൂർ പുഴയിൽ വന്ന രീതി കണ്ടതും, ചമ്രവട്ടം റെഗുലേറ്റർ പ്രവർത്തനക്ഷമമാകുന്നതോടെ കാണാൻ പോകുന്നതുമായുള്ള ബന്ധം കണക്കിലെടുത്ത് “ഭാരതപ്പുഴ സഹജീവൻ” WhatsApp, മല്ലൂർകടവു പുഴക്കൂട്ടം മുതലായവയുമായ സഹകരണം ആരംഭിക്കാം..

ഇതിനെല്ലാം സന്നദ്ധരായി ഞങ്ങൾ ഉണ്ട്.
കൂടുതൽ നാട്ടുകാർ മുന്നോട്ട് വന്നാൽ ഇവിടെ നമുക്ക് നല്ല ഒരു മാതൃക സൃഷ്ടിക്കാൻ സാധിക്കും.

മാർച്ച് 22 ലോകജലദിനം ആണല്ലോ? നമ്മൾ ഒൻപതു ദിവസം(3.14_22) പരിപാടി നടത്താറുണ്ട്. ഇക്കൊല്ലം എങ്ങനെ വേണം?

സസ്നേഹം,
തിരൂർ പുഴ സഹജീവനം പ്രവർത്തകർ.

ഖദീജ നർഗീസ്,
നസീമബാനു,
സീനത്ത് ചെമ്പ,
സരള പണിക്കർ,
ജയശ്രീ കൂട്ടായി,
രാധാമണി മങ്ങാട്
സിന്ധു ആശാ,
രമ തവനൂർ,
ശ്രുതി തുഞ്ചൻ,
അജിത് നായർ,
നൂർ മുഹമ്മദ്,
ഭാസി K,
ഗോപാലൻ VP,
വേലായുധൻ EK,
കാസിം തലകടതുർ
ഷംലി കുണ്ടനാട്,
യാഹു കാനാത്ത്,
മണി കൂഞ്ഞിലി,
ഗോവിന്ദൻ വെട്ടം
മുഹമ്മദ് VRC,
സീതി CMT,
സുഭാഷ് കൂട്ടായി
വിജീഷ് കൂട്ടായി
മണികണ്ഠൻ കൂട്ടാ
കുഞ്ഞിരാമൻ,
അലവിക്കുട്ടി ,
ലത്തീഫ് പകര,
ഉമ്മർ ReEco,
രാധാകൃഷ്ണൻ Dr
പണിക്കർ NN Dr
……. …… …… …