നാട്ടുകൂട്ടം പ്രതിവാര യോഗം 2021.07.03 ശനിയാഴ്ച വൈകിട്ട് 7:30 ന്.
കുറിപ്പുകൾ
പങ്കെടുത്തവർ:
ശ്രീ രാം കിരൺ, Dr NN പണിക്കർ, ശ്രീമതി സരള പണിക്കർ, ശ്രീമതി ആതിര M കുമാർ, ശ്രീ അയ്യപ്പ പ്രസാദ്, ശ്രീമതി വിജയശ്രീ ടീച്ചർ, Er KK കൃഷ്ണകുമാർ, ശ്രീ ബ്രഹ്മാനന്ദൻ K, ശ്രീ EM ജോർജ്, Er ശ്രീഹരി, Dr എൻ സുനിൽകുമാർ.
മൗനപ്രാർത്ഥനയോടെ യോഗം ആരംഭിച്ചു.
ഇന്ന് വന മഹോത്സവം (1-7 ജൂലായ്).
2.1. മരം നടീൽ പരിപാടി സരള പണിക്കർ വിവരിച്ചു. ഗുജറാത്തിൽ വിശ്വമിത്രി നദീ പുനരുജ്ജീവനം ലക്ഷ്യം ആക്കി ഇന്ന് നടന്ന പരിപാടിയിൽ പങ്കെടുത്തത് അപൂർവ്വ അനുഭവം ആയിരുന്നു. പ്ലാവ്, മാവ് മര തൈകൾ, അവയുടെ വിത്ത്, സീഡ്ബോൾ, മഞ്ചാടി വിത്ത് മുതലായവ എത്തിച്ചു കൊടുത്തിരുന്നു.
2.2 നമ്മുടെ നാട്ടിൽ എന്താണ് നടക്കുന്നത്? ഉള്ള മരം വെട്ടുന്നു. AC റോഡിലെ 851 മരം വെട്ടാൻ ലേലം! ഇക്കാലത്ത് ഇത് നടത്തുന്നത് തടയൽ നമ്മുടെ ആവശ്യം ആണ് എന്ന് തീരുമാനം ആയി.
പൊന്മേലാക്കൽ പാടം.
3.1. പ്രശ്നപരിഹാരം പുരോഗമിക്കുന്ന വിവരം ശ്രീ അയ്യപ്പ പ്രസാദ് അറിയിച്ചു. ജില്ലാ പഞ്ചായത്ത് പ്രസിഡൻ്റ് വന്നു കണ്ട് വേണ്ടത് ചെയ്യാൻ തയാർ ആണെന്ന് പറഞ്ഞു.
3.2. പുതിയ കോൺട്രാക്ട് ഫാമിംഗ് നിയമ സംവിധാനം വഴി മുന്നോട്ട് പോകാമെന്ന് ശ്രീ കൃഷ്ണകുമാർ ചൂണ്ടിക്കാട്ടി. കോടതി കേസ് ബാധകം അല്ല. 3.3 നാട്ടുകാരുടെ ആത്യന്തിക ലക്ഷ്യം ഉറപ്പിച്ച്, അതനുസരിച്ചുള്ള ജോലികൾ മാത്രമേ അനുവദിക്കൂ എന്ന നിലപാട് എടുക്കണം എന്നു ഡോക്ടർ പണിക്കർ അഭിപ്രായപ്പെട്ടു.
3.4 തത്കാലം കൃഷിക്ക് വേണ്ടി ഏറ്റെടുക്കാൻ ഉള്ള സംവിധാനം വഴി മുന്നോട്ട് പോകട്ടെ എന്ന് തീരുമാനിച്ചു. പാടം മുഴുവൻ വറ്റിച്ച്, സ്ഥിതി മനസ്സിലാക്കി, ഉണങ്ങി കഴിഞ്ഞ് പണി ചെയ്യുന്നത് ആണ് നല്ലത് എന്ന അഭിപ്രായം ഉണ്ടായി.
3.5 ആത്യന്തികമായ ആശയങ്ങൾ വികസിപ്പിച്ചു കൊണ്ടിരിക്കാമെന്ന് തീരുമാനിച്ചു.
നമ്മുടെ നാട്ടിൽ ഒരു പ്രതിഭാ പോഷണ കേന്ദ്രം തുടങ്ങുന്ന കാര്യം ആലോചിച്ചു. മാന്ത്രികൻ മനു മങ്കൊമ്പ് അതിനു നേതൃത്വം കൊടുത്താൽ നടക്കും. യുവാക്കളെ പരിശീലിപ്പിച്ചാൽ, നമ്മുടെ കൊച്ചുവള്ളങ്ങൾ, പുല്ലുവെട്ടി, ടോയ്ലറ്റ് മുതലായ പുതിയ കാര്യങ്ങൾ ചെയ്യാൻ അവർ സഹായിക്കുകയും ചെയ്യും. സൗജന്യങ്ങൾ സ്വീകരിക്കാത്ത അന്തസ്സുള്ള യുവാക്കളാണ് നമുക്കുള്ളത്. അത് അറിഞ്ഞുകൊണ്ട് വേണ്ട സഹായം എത്തിക്കാൻ ശ്രമിക്കണം എന്ന് തീരുമാനിച്ചു.
മദ്യം, മയക്കുമരുന്ന്, മൊബൈൽ കളികൾ എന്നീ മൂന്ന് ആസക്തികൾ നാട്ടിൽ പ്രശ്നം ആയിക്കഴിഞ്ഞു. ലഹരി വിരുദ്ധ പ്രവർത്തനം സ്കൂളിനോട് യോജിച്ചു കൊണ്ടു്, ചെയ്യാൻ ധാരണ ആയി. ഉറവിടം പലർക്കും വീട്ടിൽ ആണെന്ന് വിജയശ്രീ ടീച്ചർ പറഞ്ഞു.
കുട്ടികൾക്ക് അവരുടെ ഗ്രൂപ്പുകളിൽ ചെയ്യാൻ ഉള്ള പരിപാടി കൾ ധാരാളം ഉണ്ടാകണം.
നമ്മൾ ഉദ്ദേശിക്കുന്ന വള്ളങ്ങൾ, യന്ത്രങ്ങൾ മുതലായവയുടെ നിർമാണത്തിൽ എങ്ങിനെ സഹകരിപ്പിക്കാം എന്ന് രാംകിരൺ അന്വേഷിച്ചു.
നാട്ടുകൂട്ടം തയാർ ആക്കുന്ന പത്രിക പൂർത്തീകരണം, നാട്ടുകാരുടെ അവകാശങ്ങൾ ക്രോഡീകരണം: നക്കൽ ഇതോടൊപ്പം വച്ചിരിക്കുന്നത് ഒന്ന് വായിച്ചു. എല്ലാവരും നോക്കിയിട്ട് വേണ്ട മാറ്റം വരുത്താം എന്ന് തീരുമാനിച്ചു. തന്ത്രപരമായി ഒഴിവാക്കേണ്ട കാര്യം ഉണ്ടെങ്കിൽ നോക്കിയിട്ട്, വേണ്ട മാറ്റം വരുത്താം എന്ന് ആതിര M കുമാർ പറഞ്ഞു.
വർഷം മുഴുവൻ വെള്ളക്കെട്ട് ആയി കിടക്കുന്ന പ്രദേശങ്ങൾക്ക് ഒരു പുതിയ ആശയം ശ്രീ അയ്യപ്പ പ്രസാദ് നിർദേശിച്ചു. വെള്ളക്കെട്ടിൽ കിടക്കുന്ന വീടുകൾ, ചുറ്റുമുള്ള വീടുകളുമായി സഹകരിച്ചു വെള്ളം പമ്പ് ചെയ്തു തോട്ടിലേക്ക് വിടുക, തോട്ടിൽ നിന്നും ഒഴുകി പോകാനുള്ള സൗകര്യവും ചെയ്യുക. ഇങ്ങനെ സഹകരിക്കുമ്പോൾ ഓരോ വീട്ടുകാരും മാറി മാറി ഇത് ചെയ്താൽ ആർക്കും ഒരു ഭാരം ആകുകയില്ല. ഈ പങ്കിടൽ ആശയം ശ്രീ EM ജോർജ്ജ്, കാർ പൂളിംഗ്ൻറെ ആശയവുമായി ഉപമിച്ചത് നന്നായി.
ചാലുകളും തോടുകളും ആറുകളും കായലുകളും ആഴം കൂട്ടുകയും ജലനിർഗമന തടസ്സങ്ങളെല്ലാം മാറ്റുകയും ആണ് സ്ഥിരമായ പരിഹാരമാർഗം. അതിനുള്ള ശ്രമം തുടരണം.
വെള്ളപ്പൊക്കം തയ്യാറെടുപ്പ്
9.1 ആറു കൊച്ചു വള്ളങ്ങൾ: പണി പുരോഗമിക്കുന്നൂ.
വെള്ളപ്പൊക്കം ഒഴിവാക്കൽ.
പഞ്ചായത് പ്രസിഡൻ്റ് മാരുടെ യോഗം മുതലായ കാര്യങ്ങൾ അടുത്ത ആഴ്ച ചർച്ചചെയ്യും.
സ്കൂൾ പുനരുജ്ജീവനം :
മൊബൈൽ ആവശ്യങ്ങൾ.
11.1. LPS ലെ ആവശ്യം ഉള്ള എല്ലാവർക്കും മൊബൈൽ കിട്ടിയതിനു, നാട്ടുകൂട്ടം ഉൾപെടെ ഉളളവർ സഹായിച്ചു.
11.2. ATGHS ൽ 2 ഫോൺ കൂടി കിട്ടിയാൽ മതി എന്നു വിജയശ്രീ ടീച്ചർ പറഞ്ഞു. അത് Er ശ്രീഹരിയുമായി ആലോചിച്ചു സാധിക്കും.
11.3 കുട്ടികളെ മൊബൈൽ ആസക്തിയിൽ നിന്നും രക്ഷപ്പെടുത്താൻ വേണ്ടി, ഇപ്പോഴത്തെ പ്രത്യേക ആവശ്യം കഴിയുമ്പോൾ മൊബൈൽ ഫോൺ തിരിച്ചു നൽകാനുള്ള വ്യവസ്ഥയോടു കൂടി ആണ് ഈ സഹായം കൊടുക്കേണ്ടത് എന്ന് ധാരണയായി.
11.4. ഇൻ്റർനെറ്റ് റേഞ്ച് കിട്ടാൻ മാർഗങ്ങൾ Er കൃഷ്ണകുമാർ വിവരിച്ചു. അതനുസരിച്ച് മുന്നോട്ടുപോകും. പുതിയ ടവറുകൾ സ്ഥാപിക്കുന്നത് അത്ര എളുപ്പമല്ല.
ഉണർവ്വ് ഏകുന്ന ചർച്ചകളും ഉറപ്പുള്ള തീരുമാനങ്ങളും കഴിഞ്ഞ്, അടുത്ത ശനിയാഴ്ച കൂടാൻ വേണ്ടി 8:55 നു യോഗം പിരിഞ്ഞു.
നാട്ടുകൂട്ടം പത്രിക
കുട്ടനാടിനെ രക്ഷപെടുത്താൻ നാട്ടുകാർ ആവശ്യപ്പെടുന്നത്.
വർഷം മുഴുവനും വെള്ളക്കെട്ടും വെള്ളപ്പൊക്കവും കാരണം കുട്ടനാട്ടിലെ മനുഷ്യർക്ക് ജീവിക്കാനുള്ള അടിസ്ഥാന മനുഷ്യാവകാശം നിഷേധിക്കപ്പെടുന്നു. ദോഷകരമായ നിർമ്മാണ പദ്ധതികളും മാനേജ്മെൻറ് രീതികളും ഇവിടെ വ്യാപകമാണ്, ഉടനടി ആശ്വാസം വേണം.
കായൽ, നദികൾ, തോടൂകൾ എന്നിവയിൽ നിന്ന് അടിഞ്ഞുകൂടിയ പ്ലാസ്റ്റിക്, ചെളി, മണ്ണ്, മറ്റ് അവശിഷ്ടങ്ങൾ എന്നിവ നീക്കം ചെയ്യുക. അതുകൊണ്ട് പ്രാദേശികമായി കരപൊക്കാൻ സ്വാതന്ത്ര്യം അനുവദിക്കുക.
AC റോഡിൽ അനാവശ്യമായ ഓട നിർമ്മാണം നിർത്തുക.
AC റോഡ് അടയ്ക്കുന്നതും അനാവശ്യമായ ഫ്ലൈ ഓവറുകളുടെ നിർമ്മാണവും നിർത്തുക.
തണ്ണീർമുക്കം ബണ്ടിലെ ഒഴുക്കു തടസ്സങ്ങൾ നീക്കംചെയ്യുക.
തോട്ടപ്പള്ളിയിൽ നിന്ന് മണൽ ഖനനവും നീക്കം ചെയ്യലും നിർത്തുക.
തോട്ടപ്പള്ളി സ്പിൽവേ പ്രവർത്തനക്ഷമമാക്കുക.
കൊച്ചി കായലിലെ 15 പാലം പണികളുടെ അവശിഷ്ടങ്ങളും മണ്ണും നീക്കം ചെയ്യുക.
കുട്ടനാട്ടിലേക്ക് വരുന്ന നദികളിലെ എല്ലാ ഡാമുകളിലും അടിഞ്ഞുകൂടിയ ചെളിയും മണ്ണും നീക്കം ചെയ്യുക.
ശരിയായ രൂപകൽപ്പനയും കൃത്യമായ നടപടിക്രമങ്ങളും ഇല്ലാതെ ആരംഭിച്ച കുട്ടനാട് പാക്കേജ് -2 വർക്ക് നിർത്തുക.
കുട്ടനാട്ടിൽ ജല പരിപാലനത്തിനായി നന്നായി രൂപകൽപ്പനചെയ്ത കാർഷിക കലണ്ടർ നടപ്പിലാക്കുക.
ഓരു കയറുന്നത് നിയന്ത്രിക്കാൻ ആവശ്യമുള്ള സമയങ്ങളിലൊഴികെ തണ്ണീർമുക്കം ബണ്ട് പൂർണ്ണമായും തുറന്നിടുക. മത്സ്യ തൊഴിലാളികൾ, കർഷകർ ഒന്നിച്ചു മുന്നേറട്ടെ.
വെള്ളക്കെട്ട് തടയുന്നതിനും വെള്ളപ്പൊക്കം ലഘൂകരിക്കുന്നതിനും ശരിയായ രൂപകൽപ്പനയും ജനങ്ങളുടെ പങ്കാളിത്തവുമുള്ള പദ്ധതികൾ ആരംഭിക്കുക. അതായിരിക്കട്ടെ കുട്ടനാട് പാക്കേജ് 2.
കുട്ടനാടിനെ സംരക്ഷിക്കാൻ താൽപ്പര്യമുള്ള പ്രവർത്തകർക്ക് പ്രത്യേകം പ്രത്യേകമായി കേസ് കൊടുക്കുന്നതിനും സമ്മർദം ഫലപ്രദമായി പ്രയോഗിക്കുന്നതിനും ഈ ഓരോ ആവശ്യവും ഏറ്റെടുക്കാം.
ആവശ്യമായ പിന്തുണ നാട്ടുകൂട്ടത്തിന് നൽകാൻ കഴിയും.
വൈകിപ്പോയി, പണി ആരംഭിച്ച് കഴിഞ്ഞു എന്ന് പറഞ്ഞാൽ പിൻമാറുന്നവർ അല്ല കുട്ടനാട്ടിലെ ജനത. താൽപ്പര്യമുള്ള എല്ലാ പ്രവർത്തകർക്കും ഇത് കൈമാറുക.
നാട്ടുകൂട്ടം വീഡിയോ യോഗം 2021.07.03 ശനിയാഴ്ച
പങ്കെടുത്തവർ:
Dr NN പണിക്കർ, ശ്രീമതി സരളാ പണിക്കർ, ശ്രീമതി ആതിര M കുമാർ, ശ്രീ അയ്യപ്പ പ്രസാദ്, ശ്രീമതി വിജയശ്രീ ടീച്ചർ, ശ്രീ കൃഷ്ണകുമാർ, ശ്രീ ബ്രഹ്മാനന്ദൻ K, Er ശ്രീഹരി, ശ്രീ E.M. George, Dr. Sunil Kumar. N, രാം കിരൺ.
കുറിപ്പുകൾ
മൗന പ്രാർത്ഥനയോടെ യോഗം ആരംഭിച്ചു.
ഇന്ന് വനമഹോത്സവം ആയിരുന്നു. അതോടനുബന്ധിച്ച് Dr. NN പണിക്കർ സാറും, സരള ടീച്ചറും ചേർന്ന് ഗുജറാത്തിലേക്ക് പ്ലാവ്, മാവ്, മഞ്ചാടി എന്നീ വൃക്ഷതൈകൾ അയച്ചുകൊടുത്തു. AC റോഡിലെ 851 മരം ലേലം ചെയ്ത് വെട്ടിമുറിക്കാനുള്ള നീക്കം ഒഴിവാക്കുക.
ഇന്ന് നാട്ടിൽ കണ്ടുവരുന്ന മദ്യം, മയക്കുമരുന്ന് അതുപോലുള്ള ദൂഷ്യ ഗുണങ്ങൾ ഇല്ലായ്മ ചെയ്യേണ്ടതാണ്. ഓരോ കുട്ടികളുടെയും അഭിരുചികൾ മനസ്സിലാക്കുകയും അതിനനുസരിച്ച് അവർക്ക് വേണ്ട പിന്തുണയും നൽകി അതിനുവേണ്ട പ്രോത്സാഹനവും കിട്ടുമെങ്കിൽ ഈ കുട്ടികളെ നേർവഴിയിൽ മുമ്പോട്ട് നയിക്കാൻ സഹായമാകും.
മങ്കൊമ്പിൽ ഇൻറർനെറ്റ് തടസ്സങ്ങൾ ഒന്നുമില്ലാതെ കിട്ടുവാൻ വേണ്ടി. സിഗ്നൽ ആംബ്ലിഫൈ ചെയ്യുന്നതിനുള്ള സംവിധാനങ്ങളെക്കുറിച്ച് സംസാരിക്കുകയുണ്ടായി.
മൊബൈൽ കുട്ടികൾക്ക് മാത്രമായി കൊടുക്കരുത്. അവർക്ക് അതിൻെറ ആവശ്യം കഴിഞ്ഞാൽ അത് സ്കൂളിൽ തിരികെ ഏൽപ്പിക്കാനുള്ള നടപടികൾ ചെയ്താൽ അതായിരിക്കും നല്ലത്. കുട്ടികളിൽ മൊബൈൽ ഫോണിന്റെ ദുരുപയോഗം തടയുന്നതിന് സഹായകമാകും.
പൊന്മേലാക്കൽ പാടശേഖരം കൃഷിയോഗ്യമാക്കുന്നതിനെക്കുറിച്ച് ബ്ലോക്ക് പ്രസിഡന്റുമായി സംസാരിച്ചു. ഉടമസ്ഥരുമായി സംസാരിക്കണം.
വെള്ളപ്പൊക്കം പരിഹരിക്കുവാൻ നീർച്ചാലുകൾ വീണ്ടെടുക്കണം.
ഇവിടെയുള്ള കുട്ടികളുടെയും സഹകരണം കിട്ടിയാൽ കൊച്ചുവള്ളങ്ങളുടെ പണി എളുപ്പത്തിൽ പൂർത്തീകരിക്കാൻ കഴിയും.
ബാക്കി വിഷയങ്ങൾ അടുത്ത മീറ്റിങ്ങിന് ചർച്ച ചെയ്യാമെന്ന് പറഞ്ഞ് 9.20ന് യോഗം പിരിഞ്ഞു.
